பொருட்களின் விலை அதிகரிப்பு - மக்கள் விசனம்

பால்மாவின் விலையும் அதிகரிப்பு!

இறக்குமதி செய்யப்படும் 400 கிராம் எடை கொண்ட பால்மா பக்கெட் ஒன்றின் புதிய விலை 325 ரூபாவாக அதிகரிக்கப்பட்டுள்ளதாக தெரிவிக்கப்படுகிறது. 

இதன் படி 400 கிராம் எடை கொண்ட பால்மா பக்கெட் ஒன்றின் விலை 61 ரூபாவினால் அதிகரிக்கப்படுள்ளது. 

இதேவேளை ஒரு கிலோ கிராம் பால்மா பக்கெட் ஒன்றின் விலை 163 ரூபாவினாலும் அதிகரிக்கப்பட்டுள்ளது. இதன்படி ஒரு கிலோகிராம் பால்மா பக்கெட் ஒன்றின் விலை 810 ரூபா ஆகும். 

சமையல் எரிவாயுவின் விலை 350 ரூபாவினால் அதிகரிப்பு

12.5 கிலோகிராம் எடையுடைய சமையல் எரிவாயுவின் விலை இன்று நள்ளிரவு முதல் 350 ரூபாவினால் அதிகரிக்கப்பட்டுள்ளதாக நுகர்வோர் அதிகார சபை தெரிவித்துள்ளது.

சீமெந்தின் வி​லையும் அதிகரிப்பு!

50 கிலோகிராம் எடைகொண்ட சீமெந்து பை ஒன்றினை 70 ரூபாவினால் அதிகரிக்க நுகர்வோர் அதிகார சபை அனுமதி வழங்கியுள்ளதாக தெரிவிக்கப்பட்டுள்ளது.